《何 婉 琪 回 憶 錄》之 與 魔 鬼 同 行 …
十 姑 娘 爆 內 幕
十 姑 娘 何 婉 琪 與 九 哥 賭 王 何 鴻 燊 ， ○ 一 年 就 澳 娛 股 息 起 紛 爭 ， 自 此 反 目 。 結 果 十 姑 娘 被 賭 王 踢 出 澳 娛 董 事 局 ， 兼 入 稟 除 去 股 東 身 份 。 十 姑 娘 多 次 登 報 追 討 澳 娛 歸 還 約 三 十 億 累 積 盈 餘 及 股 息 ， 何 鴻 燊 則 隔 空 向 她 冷 嘲 熱 諷 。 近 年 鮮 有 露 面 的 十 姑 娘 ， 最 近 準 備 出 英 文 版 自 傳 。 本 刊 今 期 率 先 刊 登 部 分 自 傳 內 容 。
越 南 開 賭 場
「 為 了 尊 重 事 實 的 真 相 ， 不 容 有 人 竄 改 歷 史 ， 所 以 出 自 傳 （ 英 語 版 ） 。 」 十 姑 娘 說 。 她 在 六 十 年 代 以 一 個 女 性 身 份 投 資 二 百 萬 元 進 軍 澳 門 賭 業 ， 其 中 內 幕 ， 鮮 為 人 知 。
在 六 十 年 代 ， 男 女 地 位 並 不 平 等 ， 但 十 姑 娘 當 年 毅 然 投 資 二 百 萬 巨 額 金 錢 投 資 賭 業 ， 為 何 她 投 資 又 要 經 葉 德 利 入 股 澳 娛 ？ 為 何 保 持 緘 默 四 十 多 年 的 十 姑 娘 會 作 出 反 抗 ？
罕 有 接 受 訪 問 的 十 姑 娘 說 ： 「 第 二 次 世 界 大 戰 ， 當 時 香 港 淪 陷 ， 被 日 軍 佔 領 ， 我 被 迫 停 學 ， 當 時 爸 爸 同 三 哥 （ 何 鴻 展 ） 四 哥 （ 何 鴻 威 ） 已 經 喺 越 南 做 緊 生 意 ， 我 同 Teddy Yip （ 葉 德 利 ， 註 一 ） 同 Peter 杜 （ 註 二 ） 好 辛 苦 先 可 以 喺 香 港 坐 船 去 澳 門 再 到 廣 州 灣 出 發 ， 坐 法 國 貨 船 去 越 南 河 內 ， 再 坐 火 車 到 西 貢 。 當 時 葉 德 利 追 Sussie （ 十 一 妹 何 婉 婉 ） ， Peter 追 我 ， 幾 個 人 喺 西 貢 成 日 一 齊 。 」
但 青 年 男 女 遊 樂 與 經 營 賭 場 看 來 並 無 關 係 ， 十 姑 娘 解 釋 ： 「 Peter 係 香 港 永 安 公 司 家 族 後 人 ， 但 佢 白 手 興 家 ，喺 西 貢 有 一 個 娛 樂 場 ， 只 不 過 係 換 代 幣 玩 小 玩 意 ， 贏 咗 禮 物 再 去 換 番 錢 都 賺 大 錢 。 後 來 佢 想 正 式 攞 一 個 賭 牌 ， 係 經 我 同 當 時 越 南 皇 帝 寶 大 皇 傾 ， 因 為 我 同 寶 大 皇 交 情 好 好 ， 攞 到 牌 就 開 咗 『 大 世 界 賭 場 』 ， 生 意 更 加 好 ， 年 年 賺 大 錢 。 所 以 雖 然 我 冇 直 接 參 與 ， 但 對 賭 場 生 意 都 好 清 楚 好 了 解 ， 正 式 喺 澳 門 開 一 個 賭 場 有 咩 可 能 冇 錢 賺 ？ 所 以 六 一 年 我 敢 投 資 二 百 萬 喺 澳 門 開 賭 場 。 」
十 姑 娘 曾 到 越 南 取 經 ， 但 賭 王 何 鴻 燊 竟 從 未 有 接 觸 賭 業 ， 十 姑 娘 表 示 當 時 何 鴻 燊 結 識 了 一 個 日 本 人 （ 註 三 ） ， 對 方 高 薪 僱 用 他 在 澳 門 工 作 ， 何 鴻 燊 亦 欣 然 接 受 ， 所 以 何 鴻 燊 未 有 跟 隨 父 親 到 越 南 。 十 姑 娘 說 ： 「 屋 企 一 向 衣 食 無 憂 ， 根 本 冇 需 要 同 日 本 人 打 工 ， 所 以 媽 媽 好 唔 開 心 … … 」 當 年 香 港 淪 陷 ， 三 年 零 八 個 月 的 恐 怖 生 活 ， 令 市 民 對 日 本 人 十 分 抗 拒 ， 當 時 與 日 本 人 友 好 均 會 被 人 視 為 漢 奸 ， 更 莫 論 替 日 本 人 工 作 。
霍 英 東 自 傳 中 曾 提 及 十 姑 娘 是 創 立 澳 娛 的 最 大 股 東 ， 但 資 料 顯 示 ， 十 姑 娘 現 時 只 是 持 有 約 八 巴 仙 股 份 ， 而 根 據 霍 英 東 說 何 鴻 燊 當 時 分 文 未 有 付 出 ， 至 今 竟 成 為 其 中 大 股 東 ， 六 二 年 澳 娛 開 業 至 今 四 十 多 年 內 裡 發 生 了 什 麼 事 ？
投 資 二 百 萬
十 姑 娘 解 釋 說 ： 「 我 一 個 婦 道 人 家 ， 加 上 當 年 咁 細 個 ， 點 會 自 己 去 澳 門 投 賭 牌 ？ 其 實 係 葉 漢 （ 註 四 ） 一 直 想 投 資 澳 門 賭 場 生 意 ， 亦 曾 經 試 過 入 標 競 投 賭 牌 ， 可 惜 佢 只 有 開 賭 經 驗 ， 人 面 、 金 錢 、 關 係 、 實 力 不 足 ， 加 上 又 是 中 國 人 ， 所 以 葡 國 澳 門 政 府 認 定 佢 中 標 ， 亦 冇 能 力 開 建 賭 場 ， 就 次 次 拒 絕 ； 一 九 六 一 年 賭 牌 又 開 始 投 標 ， 葉 漢 這 次 志 在 必 得 ， 就 找 Teddy （ 葉 德 利 ） 幫 忙 ， Teddy 再 搵 Stanley （ 何 鴻 燊 ） ， Stanley 又 搵 咗 霍 英 東 ， 四 個 人 幾 經 波 折 終 於 投 得 賭 牌 。 」
十 姑 娘 表 示 當 年 雖 然 取 得 賭 牌 ， 但 富 有 的 霍 英 東 對 賭 業 沒 興 趣 ， 只 肯 把 改 善 港 口 工 程 的 費 用 當 作 投 資 ， 沒 有 足 夠 現 金 ， 賭 場 必 定 難 以 開 始 運 作 。 當 時 葉 德 利 已 與 十 一 姑 娘 何 婉 婉 結 婚 ， 與 十 姑 娘 更 見 親 厚 ， 靈 機 一 觸 就 找 當 時 在 何 東 公 司 工 作 的 十 姑 娘 想 辦 法 ， 十 姑 娘 認 同 葉 漢 與 葉 德 利 的 計 劃 ， 所 以 即 時 與 何 鴻 章 商 量 ， 何 鴻 章 二 話 不 說 就 給 十 姑 娘 二 百 萬 。
十 姑 娘 與 何 鴻 燊 份 屬 兄 妹 ， 為 何 十 姑 娘 投 資 澳 門 賭 場 又 要 經 葉 德 利 ？ 不 用 自 己 名 字 注 資 ？
何 鴻 燊 要 威 要 面
十 姑 娘 說 ： 「 情 形 比 較 複 雜 … … Stanley 當 時 以 自 認 何 東 爵 士 後 人 為 傲 ， 但 其 實 我 同 佢 都 只 係 何 東 爵 士 弟 弟 何 福 嘅 孫 同 孫 女 。 五 七 年 身 為 何 東 爵 士 長 子 嫡 孫 的 何 鴻 章 回 港 後 ， 大 家 都 知 道 他 才 是 何 東 家 族 真 正 掌 舵 人 ， 加 上 何 鴻 章 在 美 國 喬 治 頓 大 學 畢 業 （ 多 屆 美 國 總 統 都 是 該 校 校 友 ） ， 而 Stanley 只 喺 香 港 大 學 讀 咗 一 陣 未 有 耐 畢 業 ； 加 上 何 鴻 章 回 港 初 期 ， Stanley 以 為 同 一 家 族 ， 可 以 有 望 染 指 何 東 家 族 的 地 產 生 意 ， 不 過 何 鴻 章 長 年 在 外 國 生 活 ， 唔 同 有 啲 中 國 人 咁 用 人 唯 親 ， 他 處 事 公 私 分 明 ， 令 Stanley 只 能 有 機 會 參 與 極 小 部 分 ， 大 部 分 重 要 項 目 都 冇 份 參 與 。 可 能 覺 得 喺 朋 友 間 失 威 ， 如 果 聽 到 錢 由 何 鴻 章 度 嚟 … … 佢 咁 要 威 要 面 ， 無 謂 俾 佢 知 道 吖 … … （ 你 可 以 用 自 己 名 投 資 ？ ） 小 朋 友 ， 我 當 年 啱 啱 做 嘢， 話 我 有 二 百 萬 都 冇 人 信 啦 。 」
當 時 葉 德 利 公 司 的 老 闆 黃 先 生 是 東 南 亞 糖 業 大 亨 ， 十 分 富 有 ， 葉 德 利 與 十 姑 娘 商 量 後 ， 決 定 說 資 金 是 由 黃 老 闆 親 戚 所 出 ， 避 免 各 人 尷 尬 。
當 年 十 姑 娘 還 辦 了 一 張 名 字 契 約 ， 增 加 了 一 個 名 字 叫 「 黃 萬 里 」 ， 「 黃 萬 里 」 與 葉 德 利 合 組 公 司 ， 十 姑 娘 佔 六 成 、 葉 德 利 佔 四 成 ， 四 成 股 份 注 明 由 十 姑 娘 暫 借 葉 德 利 投 資 ， 事 後 歸 還 。
二 百 萬 元 由 一 九 六 一 年 尾 開 始 分 期 經 葉 德 利 交 給 何 鴻 燊 注 入 公 司 ， 全 部 交 收 有 收 條 證 明 。 為 何 又 要 經 葉 德 利 交 收 ， 十 姑 娘 說 ： 「 當 時 我 仲 喺 何 東 公 司 打 工 ， 好 忙 又 唔 方 便 正 式 出 面 去 打 理 賭 場 ， 所 以 全 部 委 託 Teddy 去 睇 住 ， 好 多 事 都 係 經 佢 同 三 哥 何 鴻 展 （ 當 年 Stanley 派 遣 何 鴻 展 管 理 賭 場 業 務 ， 所 以 何 鴻 展 對 賭 場 得 知 很 多 內 幕 ） 話 俾 我 知 。 」
一 九 五 七 至 一 九 七 三 年 十 姑 娘 加 入 何 東 公 司 工 作 ， 開 始 了 人 生 第 一 份 全 職 工 作 ， 她 的 職 銜 雖 名 為 秘 書 ， 實 質 工 作 範 圍 與 行 政 總 裁 無 異 。 為 何 強 如 十 姑 娘 ， 仍 被 人 欺 壓 達 四 十 多 年 之 久 ？ 十 姑 娘 說 ： 「 有 一 日 我 大 佬 （ 何 家 長 子 何 鴻 恩 ） 如 常 嚟 問 我 攞 pocket money ， 但 係 話 想 攞 多 啲 ， 我 有 啲 猶 疑 ， 佢 就 神 情 奇 怪 咁 話 知 道 咗 我 一 個 秘 密 ， 佢 話 Stanley 話 佢 知 Michael （ 何 東 舜 銘 ） 係 我 同 Eric （ 何 鴻 章 ） 個 仔 ！ 仲 話 佢 兩 父 子 咁 似 樣 唔 到 我 唔 認 。 （ 咁 你 當 時 點 做 ？ ） 冇 ， 我 如 常 咁 俾 錢 佢 ， 仲 俾 多 啲 添 ， 為 咗 大 局 着 想 ， 我 要 守 這 個 秘 密 ！ 多 年 來 我 喺 澳 娛 的 股 份 由 大 股 東 減 到 現 時 得 7.3% 。 」 十 姑 娘 可 謂 忍 辱 負 重 四 十 多 年 。
註 一 ： 在 印 尼 出 生 的 葉 德 利 ， 是 十 一 姑 娘 何 婉 婉 丈 夫 ， 曾 創 立 德 利 車 隊 ， ○ 三 年 七 月 病 逝 。
註 二 ： Peter 杜 為 上 海 永 安 公 司 首 屆 董 事 之 一 的 杜 澤 文 後 人 。
註 三 ： 據 《 何 鴻 燊 傳 》 引 述 ， 當 時 堂 叔 何 世 文 因 不 諳 英 語 ， 找 何 鴻 燊 為 他 與 日 本 人 齊 滕 先 生 當 翻 譯 ， 齊 滕 因 欣 賞 何 鴻 燊 ， 邀 他 往 澳 門 工 作 ， 時 為 香 港 淪 陷 的 三 年 零 八 個 月 。
註 四 ： 人 稱 賭 聖 的 葉 漢 ， 曾 在 有 老 牌 賭 王 之 稱 的 傅 老 榕 旗 下 賭 場 打 骰 ， 未 幾 與 何 鴻 燊 合 投 賭 牌 ， 但 最 終 反 目 。
刊《壹 週 刊 》2006-04-27
